श्रीगुरु दत्तराजमूर्ती, ओवाळितो प्रेमे आरती

श्रीगुरु दत्तराजमूर्ती, ओवाळितो प्रेमे आरती ||धृ||

ब्रह्मा-विष्णु-शंकराचा असे अवतार श्रीगुरुचा|

कराया उद्धार जगाचा जाहला बाळ अत्रि-ऋषिचा,

धरिला वेष असे यतिचा, मस्तकी मुकुट शोभे जटीचा |

कंठी रुद्राक्ष माळ धरुनी,

हातामध्ये आयुध बहुध धरुनी,

तेणे भक्तांचे क्लेश हरुनी

त्यासी करुनि नमन अघशमन होइल रिपुदमन

गमन असे त्रैलोक्यावरती ||१||

ओवाळितो प्रेमे आरती ||

श्रीगुरु दत्तराजमूर्ती, ओवाळितो प्रेमे आरती ||धृ||




गाणगापुरी वसति ज्याची, प्रीति औदुंबर छायेची,

भीमा-अमरसंगमाची भक्ति असे बहुत सुशिष्यांची,

वाट दावुनिया योगाची, ठेव देतसे निजमुक्तीची,

काशीक्षेत्री स्नान करितो,

करविरि भिक्षेला जातो

माहुरि निद्रेला वरितो-

तरतरित छाटि, झरझरित नेत्र, गरगरित शोभतो

त्रिशुळ जया हाती ||२||

ओवाळितो प्रेमे आरती ||

श्रीगुरु दत्तराजमूर्ती, ओवाळितो प्रेमे आरती || ध्रु ||

अवधुत स्वामि सुखानंदा ओवाळितो सौखकंदा

तारि हा दास हृदयकंदा सोडवी विषय-मोह-छंदा

आलो शरण अत्रिनंदा, दावि सद्गुरु ब्रह्मानंदा,

चुकवी चौऱ्यांऐशींचा फेरा, घालिति षड्रिपु मज घेरा,

गांजिति पुत्र-पौत्र दारा-

वदवी भजन मुखी तव पुजन करितसे

सुजन जयाचे बलवंतावरती ||३||

ओवाळितो प्रेमे आरती ||

श्रीगुरु दत्तराजमूर्ती, ओवाळितो प्रेमे आरती ||धृ||