Sangave Kavana Thaya Jave -Geet Datatraya Murti: सांगावे कवणा ठाया जावे

सांगावे..  कवणा ठाया जावे

दत्तात्रय गीत 

सांगावे..  कवणा ठाया जावे
कवणाते स्मरावे, कैसे काय करावे..?
कवण्यापरी मी रहावे..

कवण येउनि करंजग्रामी , स्वामीते मिळवावे || धृ || सांगावे.. कवणा ठाया जावे ।

या हारी, जेवावे व्यवहारी, बोलावे संसारी..।
घालुनि  अंगीकारी । प्रतिपाळी जो निर्धारी..।
केला जो निजनिश्चय,  स्वामी कोठे तो अवधारी || १ || सांगावे  कवणा ठाया जावे।

या रानी, माझी करूणावाणी। कायाकष्टी प्राणी।
ऐकून घेशिल कानी। देशिल सौख्यनिधानी।
संकटि होऊनि मूर्च्छित असता। पाजिल कवणा पाणी || २ || सांगावे.. कवणा ठाया जावे..।

त्यावेळा सत्पुर्षांचा मेळा | पाहतसे निज डोळा।
लाविती भस्म कपाळा। सांडी भय तू बाळा..।
श्रीपाद श्रीवल्लभ म्हणती, अभय तुज गोपाळा || ३ || 

सांगावे.. कवणा ठाया जावे ।कवणाते स्मरावे।
कैसे काय करावे। कवण्यापरी मी रहावे।
कवण येउनि करंजग्रामी , स्वामीते मिळवावे || 

अवधूतचिंतन श्रीगुरुदेवदत्त || 

For audio clip click here ....