 |
| गोपाळ कृष्णा ची आरती: अरे माझ्या गोपाळ कृष्णा |
अरे माझ्या गोपाळ कृष्णा,
करीन तुझी मी आरती||धृ||
शुद्ध गंगास्नान भावे घालीन तुला,
गंध केशरी लावीन वरती ||१||
अरे माझ्या गोपाळ कृष्णा......
पिवळा पितांबर नेसविन तुला,
शेला हिरवा घालीन वरती||२||
अरे माझ्या गोपाळ कृष्णा.....
कुंडलांची प्रभा मुकुटाची शोभा,
तुळस मंजिरी वाहिन वरती||३||
अरे माझ्या गोपाळ कृष्णा.....
सुवर्णाच्या ताटी पक्वांनांची दाटी,
दह्या दुधाने भरीन वाटी ||४||
अरे माझ्या गोपाळ कृष्णा.....
शांती तबकात क्षमा फुलवात,
नित्य राहावे हो तुज पाशी ||५||
अरे माझ्या गोपाळ कृष्णा,
करीन तुझी मी आरती
Comments
Post a Comment