 |
| किती सुंदर सुंदर हे जग ज्याने निर्मियले |
किती सुंदर सुंदर हे जग ज्याने निर्मियले
त्या परमेशाला रे वाहूया शब्द फुले
सृष्टीचा हाच खरा पालनकर्ता रे
खरोखरीच हा सुखकारक अन् विघ्नविनाशक रे
किती सुंदर सुंदर हे…
हा सूर्य पहा आभाळी, हो भाळी
जसे भगिनीच्या कुंकू दिसे हो कपाळी
देतो हा सर्वांना प्रकाश शक्ती रे…
खरोखरीच हा सुखकारक अन् विघ्नविनाशक रे
किती सुंदर सुंदर हे…
हा चंद्र असे अभिमानी, हो मानी
म्हणे आहे मी नक्षत्रांचा स्वामी
तरी नाही मनी याच्या अहंभाव काही रे…
खरोखरीच हा सुखकारक अन् विघ्नविनाशक रे
किती सुंदर सुंदर हे…
ही सरिता अन् हा वारा, हो वारा
ही धरती वाहे भार जगाचा सारा
चंद्र, सूर्य, सरिता अन् वारा तुझीच रूपे रे…
खरोखरीच हा सुखकारक अन् विघ्नविनाशक रे
किती सुंदर सुंदर हे…
Comments
Post a Comment