Tulashi Devichi Aarati- तुळशी देवीची आरती

तुळशी लग्न आणि तुळशी ची आरती 

जय देवी जय देवी जय माय तुळशी |

निजपत्राहूनी लघुतर त्रिभुवन हे तुळशी||धृ||

ब्रम्हा केवल मुळी मध्ये तो शौरी |

अग्नी शंकर तीर्थे शाखापरिवारी||

सेवा करिती भावे सकळहि नरनारी |

दर्शनमात्रे  पापे हरती निर्धारी|| 

जय देवी जय देवी जय माय तुळशी ||१||

शीतळ छाया भुतळ व्यापक तू कैसी |

मंजिरीची आवड कमलारमणासी ||

तवं दलविरहित विष्णू राहे उपवासी|

विशेष महिमा तुझा शुभ कर्तिकमासी ||

जय देवी जय देवी जय माय तुळशी ||२||

अच्युत माधव केशव पितांबरधारी|

तुझे पूजन काळी जो हे उच्चारी||

त्यासी देसी संतती संपत्ती सुखकारी |

गोसाविसुत विनवी मजला तू तारी ||

जय देवी जय देवी जय माय तुळशी ||३||